બાઇડનની ચોરી ત્રીજી વખત પકડાઈ!
અમેરિકી રાષ્ટ્રપતિ જો બાઇડન ફરી એકવાર હાસ્યનું કારણ બન્યા. બુધવારે રાત્રે તેઓ પ્રેસ કોન્ફરન્સમાં મીડિયાના સવાલોના જવાબ આપવા પહોંચ્યા હતા. તેમના હાથમાં એક કાગળ હતો. તેમાં લખવામાં આવ્યું હતું કે કયા પ્રશ્નો પૂછવામાં આવશે અને રાષ્ટ્રપતિએ તેના શું જવાબ આપવાના છે.
અમેરિકી રાષ્ટ્રપતિની આ હરકત કેમેરામાં કેદ થઈ ગઈ હતી અને હવે તેના પર સવાલો ઉભા થઈ રહ્યા છે. મીડિયા પૂછી રહ્યું છે કે શું પ્રેસ કોન્ફરન્સ ફિક્સ હતી. જો નહીં, તો પછી બાઇડનના હાથમાંની કાપલી પર શા માટે સમાન પ્રશ્નો અને જવાબો આપવામાં આવ્યા હતા. બાઇડન ગયા વર્ષે ડિસેમ્બરમાં અને તે પહેલા જૂનમાં ચોરી કરતા પકડાયા હતા. તેમને ચીટ-શીટ સ્કેન્ડલ નામ આપવામાં આવ્યું હતું.
