ભારતની જીત બાદ કોચ ગંભીર ભાવુક દેખાયો

ભારતે ઓવલ ટેસ્ટમાં ઇંગ્લેન્ડને 6 રનથી હરાવ્યું અને શ્રેણી 2-2 થી સમાપ્ત કરી. મોહમ્મદ સિરાજે ગસ એટકિન્સનને ક્લીન બોલ્ડ કરતાની સાથે જ ડ્રેસિંગ રૂમથી લઈને સ્ટેડિયમ સુધી બધાએ ઉત્સાહ વ્યક્ત કર્યો.

ભારતીય ક્રિકેટ કંટ્રોલ બોર્ડ (BCCI)એ ટીમ ઈન્ડિયાના હેડ કોચ ગૌતમ ગંભીરનો એક વીડિયો શેર કર્યો છે. વીડિયોમાં તે ઉજવણી કરતો અને ભાવુક થતો જોવા મળે છે. ગંભીર ખુશીથી કૂદી પડ્યો અને પછી દરેક સપોર્ટ સ્ટાફને ભેટ્યો.

ગંભીર ખુશીથી કૂદી પડ્યો ઈંગ્લેન્ડને અંતે 17 રન બનાવવાના હતા અને ફક્ત 1 વિકેટ બાકી હતી. વીડિયોમાં સ્પષ્ટપણે જોઈ શકાય છે કે ભારતીય ડ્રેસિંગ રૂમની અંદરના બધા લોકો પોતાની ખુરશીઓ છોડીને ઉભા થઈ ગયા હતા. મોહમ્મદ સિરાજે છેલ્લી વિકેટ લેતાની સાથે જ આખા ડ્રેસિંગ રૂમમાં ઉજવણી શરૂ થઈ ગઈ. ગૌતમ ગંભીરે બૂમો પાડવાનું શરૂ કર્યું. આખા સપોર્ટ સ્ટાફે તેને ઘેરી લીધો. બોલિંગ કોચ મોર્ને મોર્કેલે તેને ભેટી પડ્યો. આ દરમિયાન તે ભાવુક દેખાતો હતો.