લાઇફ પાર્ટનરની પસંદગી કરવી એ જીવનનો સૌથી મહત્વપૂર્ણ નિર્ણયમાનો એક છે. લવ મેરેજમાં તો પાર્ટનરને ઓળખવામાં મુશ્કેલી થોડી ઓછી આવે પરંતુ એરેન્જ મેરેજમાં પાર્ટનરને સમજવા માટે તથા તેની સાથે એડજસ્ટ થવામાં સમય લાગે અને ઘણીવાર મુશ્કેલી પણ આવે. અરેન્જ્ડ મેરેજમાં લગ્ન પહેલા છોકરી કે છોકરાને મળવાની એક કે બે જ તક હોય છે. પરંતુ કેટલીક એવી બાબતો છે જેની તમારે તમારા ભાવિ જીવનસાથીના લગ્ન પહેલા ચર્ચા કરી લેવી જોઈએ. નહીં તો પસ્તાવાનો વારો આવી શકે છે ત્યારે આવો જાણીએ કઇ બાબતોને ધ્યાનમાં રાખવી
કૌટુંબિક રિવાજો
દરેક પરિવારની પોતાની પરંપરાઓ અને રિવાજો હોય છે. જે તમારે પણ હોય એ જરૂરી નથી. આવી સ્થિતિમાં લગ્ન પહેલા, છોકરી હોય કે છોકરો, તેઓએ એકબીજાની પારિવારિક પરંપરાઓ, માન્યતાઓ અને સંસ્કારો વગેરે વિશે વાત કરવી જોઈએ. ખાસ કરીને નોકરી કરતી છોકરીઓ. તેઓએ તેમના જીવનસાથી સાથે વાત કરવી જોઈએ કે તેઓ પરિવારની માન્યતાઓ અને પરંપરાઓને કેટલો સમય અને કેટલું સમર્પણ આપી શકશે.
પૈસા અને કારકિર્દી
એરેન્જ્ડ મેરેજ પહેલાં નાણાકીય મુદ્દાઓ વિશે વાત કરવી પણ ખૂબ જ મહત્વપૂર્ણ છે. તમે તમારા ભાવિ જીવનસાથી સાથે કારકિર્દી અને નાણાં સંબંધિત બાબતો અને ભવિષ્યના સપના વિશે વાત કરી શકો છો. ખાસ કરીને છોકરીઓ માટે તે ખૂબ જ મહત્વપૂર્ણ છે કે તેઓ કારકિર્દીના વિકાસ માટે આગળ શું કરવા માંગે છે અને તેમના જીવનસાથી તેમને આ કામમાં કેવી રીતે સાથ આપશે.
નોકરીઓ અને સમય વિશે
ઘણી વખત પતિ-પત્ની વચ્ચે આ બાબતોને લઈને તણાવ થાય છે કે નોકરી કે સમયની સમસ્યા સામે આવે છે. કેટલાક જોબ સેક્ટર છે જ્યાં વ્યક્તિએ દિવસની પાળી અને નાઇટ શિફ્ટ બંનેમાં કામ કરવું પડે છે. આવી સ્થિતિમાં શક્ય છે કે તમે અત્યારે ડે-શિફ્ટમાં હોવ પરંતુ ભવિષ્યમાં તમારે નાઈટ શિફ્ટમાં કામ કરવું પડશે.તેથી લગ્ન પહેલા આ મુદ્દા પર પણ ચર્ચા કરવી જોઈએ.
