શશિ થરૂર સહિત અનેક નેતાઓના ફોન હેક કરવાનો પ્રયાસ

TMC સાંસદ મહુઆ મોઇત્રા, કોંગ્રેસ નેતા શશિ થરૂર, વિપક્ષી પાર્ટીઓના ઘણા નેતાઓ અને કેટલાક પત્રકારોને મંગળવારે સવારે Apple તરફથી સૂચના મળી. તેમાં કહ્યું- એપલને લાગે છે કે સ્ટેટ સ્પોન્સર્ડ અટેકર્સ તમને નિશાન બનાવવાનો પ્રયાસ કરી રહ્યા છે. તમારા iPHONEને રિમોટલી કોમ્પ્રોમાઇઝ્ડ એટલે કે હેક કરવાના પ્રયાસ થઈ રહ્યા છે.

જો તમારું ડિવાઇઝ સ્ટેટ સ્પોન્સર્ડ અટેકથી કોમ્પ્રોમાઇઝ થયું છે, તો તેઓ તમારા સંવેદનશીલ ડેટા, સંદેશાવ્યવહાર અને કેમેરા અને માઇક્રોફોનને ઍક્સેસ કરી શકે છે. શક્ય છે કે આ ખોટું એલાર્મ હોઈ શકે, પરંતુ આ ચેતવણીને ગંભીરતાથી લો."

Appleની વેબસાઈટ મુજબ, ધમકીની સૂચનાઓ એવા વપરાશકર્તાઓને જાણ કરવા અને મદદ કરવા માટે બનાવવામાં આવી છે કે જેઓ હેકર્સ દ્વારા નિશાન બની શકે છે. આ નોટિફિકેશનમાં લોકડાઉન મોડને સક્ષમ કરવા સહિત ફોનને સુરક્ષિત કરવા માટે શું પગલાં લઈ શકાય તેની પણ માહિતી આપવામાં આવી છે.

લોકડાઉન મોડ ઉપકરણોને અત્યંત દુર્લભ અને અત્યંત અત્યાધુનિક સાયબર હુમલાઓથી સુરક્ષિત કરવામાં મદદ કરે છે. જ્યારે લોકડાઉન મોડ સક્ષમ હોય, ત્યારે તમારું ઉપકરણ સામાન્ય રીતે કાર્ય કરશે નહીં. હુમલાઓને રોકવા માટે, કેટલીક એપ્લિકેશનો, વેબસાઇટ્સ અને સુવિધાઓ મર્યાદિત છે.