કુંબલે-શાસ્ત્રી પછી દ્રવિડ પણ ચેમ્પિયન ન બનાવી શક્યા!
વર્લ્ડ ટેસ્ટ ચેમ્પિયનશિપ (WTC) ફાઈનલમાં ઓસ્ટ્રેલિયાએ ટીમ ઇન્ડિયાને 209 રનથી હરાવ્યું છે. ભારતીય ટીમ છેલ્લા દસ વર્ષમાં એક પણ ICC ટ્રોફી જીતી શકી નથી. ટીમ ઈન્ડિયા છેલ્લી વખત 2013માં ચેમ્પિયન્સ ટ્રોફી જીતી હતી. બીજી તરફ, ઓસ્ટ્રેલિયાએ આ 10 વર્ષમાં ત્રણેય ફોર્મેટ એટલે કે T20 અને ODI વર્લ્ડ કપમાં વર્લ્ડ ટેસ્ટ ચેમ્પિયનશિપ જીતી છે.
ICC ટુર્નામેન્ટમાં ભારત ચેમ્પિયન ન બની શકવા પાછળ ઘણા પ્રશ્નો ઉભા થાય છે. તેમાંથી એક સવાલ એ છે કે શું ભારતીય ટીમે હવે ફરીથી વિદેશી કોચની નિમણૂક કરવી જોઈએ. જેમની સાથે ભારતે 5માંથી 3 ICC ટ્રોફી જીતી હતી. 2013 પછી, ભારતે અનિલ કુંબલે, રવિ શાસ્ત્રી અને હવે રાહુલ દ્રવિડને પણ કોચ બનાવ્યા, પરંતુ કોઈપણ ICC ટુર્નામેન્ટમાં સફળતા મેળવી શક્યા નહીં.
1971માં ODI ક્રિકેટની શરૂઆત થઈ ત્યારથી, ભારતીય મેન્સ ક્રિકેટ ટીમના હેડ કોચ ભારતીય હતા. કેકી તારાપુર ભારતના પ્રથમ કોચ હતા. આપણે ગુલાબરાય રામચંદના કોચિંગ હેઠળ 1975નો ODI વર્લ્ડ કપ રમ્યો હતો. 1979માં કોઈ મુખ્ય કોચ નહોતો. શ્રીનિવાસ વેંકટરાઘવન બન્ને વખત ટીમ ઈન્ડિયાના કેપ્ટન હતા.
ભારતે કપિલ દેવની આગેવાનીમાં 1983માં વર્લ્ડ કપ જીત્યો હતો, ત્યારે પીઆર માન સિંહ હેડ કોચ હતા. બંને 1987ના વર્લ્ડ કપમાં પણ ટીમની આગેવાની કરી રહ્યા હતા. ટીમ ઈન્ડિયાએ 1992 અને 1996નો વર્લ્ડ કપ અજીત વાડેકરના કોચિંગ હેઠળ રમ્યો હતો જ્યારે કપિલ દેવને 1999ના વર્લ્ડ કપમાં મુખ્ય કોચ બનાવવામાં આવ્યા હતા. જોકે 1971થી 1999 સુધી મુખ્ય કોચની કોઈ પોસ્ટ ન હતી, તે સમયે ટીમ મેનેજરની પોસ્ટ હતી, જેઓ કોચિંગનું કામ પણ સંભાળતા હતા. મુખ્ય કોચની પોસ્ટ 2000થી શરૂ કરવામાં આવી હતી.
