લગ્નના 18 વર્ષ બાદ સ્ટાર કપલના ઘરે બંધાયું પારણું, ક્યુટ દીકરીનો જન્મ

અપૂર્વ અગ્નિહોત્રી અને શિલ્પા સકલાનીનાં ઘરે નાનકડી પરીનો જન્મ થયો છે. લગ્નનાં 18 વર્ષ બાદ આ જોડાંને ઘરે સૌભાગ્ય આવ્યું છે. વધુ સારી વાત તો એ છે કે આ કપલને આ મોટી ગિફ્ટ એકટરને તેના જન્મદિવસે જ મળી છે.

50 વર્ષની ઉંમરે બન્યા પિતા
અપૂર્વ અગ્નિહોત્રીને 50 વર્ષની ઉંમરે પિતા બનવાનું સૌભાગ્ય પ્રાપ્ત થયું છે. અપૂર્વ અગ્નિહોત્રી અને શિલ્પા સકલાનીનાં લગ્નને 18 વર્ષ પૂરાં થયા છે. સોશિયલ મીડિયા પર એક્ટર અપૂર્વએ પોતાની નવજાત દિકરી  સાથેનો વીડિયો પોસ્ટ કર્યો છે જે વાયરલ થઇ રહ્યો છે. આ વીડિયોમાં કપલની ખુશી સ્પષ્ટ દેખાઇ રહી છે.