દક્ષિણ એશિયાની ફેશન અમેરિકામાં ધૂમ મચાવી રહી છે. અમેરિકાના ન્યૂયોર્ક શહેરમાં ગયા મહિને દક્ષિણ એશિયાઇ ન્યૂયોર્ક ફેશન વીક આયોજિત કરાયું હતું. તેની સફળતા પછી હવે ડિસેમ્બર સુધી અમેરિકાના અનેક શહેરોમાં આ ફેશન વીકનું આયોજન થશે.
એટલું જ નહીં, આ પહેલા ક્યારેય દક્ષિણ એશિયાઇ પહેરવેશ અમેરિકન ફેશન વીકનો હિસ્સો નથી રહ્યા, પરંતુ એવું પહેલીવાર થયું કે ન્યૂયોર્કમાં દક્ષિણ એશિયાઇ પહેરવેશ માટે જુદું જ ફેશન વીક આયોજિત કરાયું હોય.
આ ફેશન વીકમાં ભારતીય પહેરવેશ, ગુજરાત અને આંધ્ર પ્રદેશના બ્લોક પ્રિન્ટિંગની સાથે કલમકારી અને અજરખની બોલબાલા રહી. ન્યૂયોર્કમાં આયોજિત આ ફેશન વીકથી ભારતીય અમેરિકન ફેશન ડિઝાઇનરોને મોટું મંચ મળ્યું છે. તેમાં મસાબા ગુપ્તા, ફાલ્ગુની શાને, બિભુ મોહપાત્રા અને શીના સુદ જેવા ડિઝાઇનર છવાયેલા રહ્યા.
