ચાલુ ટ્રેનમાં થયો બાળકીનો જન્મ

બાંદ્રા રેલ્વે સ્ટેશનથી એક ગર્ભવતી મહિલા થર્ડે એસી કોચમાં પ્રવાસ કરી રહી હતી. ત્યારે ટ્રેન ઉપડી તેનાં થોડા સમય બાદ મહિલાને અચાનક પ્રસવ પીડા ઉપડતા આ અંગેની જાણ મુસાફરોએ TTE ને કરી હતી.  ત્યારે બાદ TTEએ બાંદ્રાથી રાજસ્થાન જતી મહિલાની ચાલુ ટ્રેને ડીલિવરી કરાવી હતી. ચાલુ ટ્રેને મહિલાની સુરક્ષીત ડીલીવરી થઈ જતા મુસાફરોએ હાશકારો અનુભવ્યો હતો.

મહિલાને હોસ્પિટલમાં દાખલ કરાઈ
સૂર્યનગરી એક્સપ્રેસ ટ્રેનમાં બાંદ્રાથી રાજસ્થાન જઈ રહેલી મહિલાને સુરત રેલ્વે સ્ટેશન આવે તે પહેલા અચાનક પ્રસવ પીડા ઉપડતા TTEએ મહિલાની ડીલીવરી કરાવી હતી. ત્યારે નાહરસિંહ નામની મહિલાએ બાળકીને જન્મ આપ્યો હતો. TTEએ મહિલાને વધુ સારવાર અર્થે સુરત ખાતે મેડીકલ ટીમ તૈયાર રાખવા જણાવ્યું હતું. ત્યારે ટ્રેનસુરત પહોંચે તે પહેલા મેડીકલની ટીમ સુરત રેલ્વે સ્ટેશન પહોંચી ગઈ હતી.  ટ્રેનસુરત પહોંચતા મેડીકલની ટીમ દ્વારા મહિલાની સુરતની સ્મિમેર હોસ્પિટલમાં બાળકી સાથે દાખલ કરવામાં આવી હતી.